На патот кон одбрана на шампионската титула, како втора пречка, пред кошаркарите на МЗТ Скопје Аеродром стои екипата на МКК Куманово. Денеска од 18.30 часот, „металците“, пред својата публика во СЦ „Јане Сандански“, за ривал ќе го имаат одличниот состав од Куманово кој и во оваа конкуренција го предводи Марин Докузовски.

Пред почетокот на оваа серија, стручниот штаб на МКК Кумановоо се соочува со еден сериозен проблем, кој им го носи отсуството на еден од најдобрите играчи во ростерот, Тадија Тадиќ, кој има повреда на задната ложа.

Во второто полуфинале се среќаваат ТФТ и Работнички, мала предност на „црно-белите“ им носи фактот дека оваа серија ја дочекуваат со поголем „одмор“, ако се знае дека тимот од Градски парк истурка серија од пет натпревари во серијалот со битолски Пелистер.

Овој викенд ќе се игра и последното шесто коло од Плеј-аут лигата, а последните два натпревари ќе ги дадат двете екипи кои и во следната сезона ќе имаат прволигашки статус, и уште две кои ќе мора да се преселат во понизок ранг на натпреварување, односно Втората лига.

Извесно е дека дилеми нема за екипата на Тиквеш Голден Игл, кавадарчани имаат обезбеден опстанок, додека за тоа второ место се борат екипите на Шкупи и Гостивар, додека Вардар е без никакви шанси.

ПРВА „МТЕЛ“ ЛИГА-МАЖИ
ПОЛУФИНАЛЕ – ДВОЈКИ

9.МАЈ (ПЕТОК)
18.30: МЗТ Скопје Аеродром – МКК Куманово

10.МАЈ (САБОТА)
18.00: ТФТ – Работнички

ПЛЕЈ-АУТ ЛИГА-МАЖИ

10.МАЈ (САБОТА)

16.30: Вардар – Гостивар
19.00: Тиквеш Голден Игл – Шкупи