Кошаркарите на Кожув во 20 коло од Првата македонска лига славеа на гостувањето кај Феникс 2010 со резултат 80:72.

Резултски беше доста тесен мечот во првите три четвртини, а пресуди последната која ја добија играчите на Кожув со 19:10.

Во победничките редови доминираше Стевановиќ со 20 поени, запиша и по седум скокови и асистенции.

На спротивната страна најефикасен беше Бертранд со 12 поени и седум скокови.

На табелата тимот на Кожув после 12 триумф сезонава во шампионатот се наоѓа на второто место со 32 бодови, додека Феникс 2010 е на седмата позиција со 30 бодови.