Во ерата на дигитални платформи, сè повеќе колекционери и љубители на музика се свртуваат кон аналогните формати, барајќи токму она што ѝ недостасува на денешната технологија – шарм, автентичност и специфичен ритуал на слушање.

Највредните касети на пазарот

Не сите касети се подеднакво барани – реткоста на изданието и историската важност играат клучна улога во одредувањето на нивната вредност. Некои од најскапите изданија што вредат богатство денес се:

„The Madonna Collection“ (1987) – Иако е масовно производство, ограничената достапност на одредени пазари доведе до екстремно високи цени.

„Xero“ (1997) – Прво издание од бендот што подоцна стана „Линкин парк“. Ретка демо лента што достигнува цена од неколку илјади евра.

„Floral Shoppe“ (2012) – култен албум во стилот на вапорвејв од „Мекинтош плус“, речиси невозможно да се најде во оригиналното издание.

„Year Zero + Unreleased Material“ (1996) – Касета со необјавени песни од канадскиот рапер Бак 65, вистинско колекционерско уживање.

Од што зависи цената на касетата?

Вредноста на старите касети е одредена од неколку фактори, а колекционерите ги ценат најмногу:

Состојба на зачувување – Оригиналната кутија и неискористената касета значително ја зголемуваат цената.

Правилност на репродукција – Касета што свири без бучава и прескокнување е многу побарувана.

Реткост и популарност на уметниците – Ограничените изданија и музичките класици секогаш имаат најголема вредност.

Некои од најретките и најдобро зачуваните касети се продаваат за износи што ја надминуваат просечната плата, а има и копии што достигнуваат вредност доволна за купување стан или куќа, пишува.

Каде да продавате стари касети по најдобра цена

Пазарот за колекционерски касети брзо расте во последниве години, а продажбата се одвива на неколку популарни платформи:

„еБеј“ (eBay) – Најголемиот меѓународен пазар за колекционери.

„Катавики“ (Catawiki) – Специјализирана платформа за аукции за ретки предмети.

Субито (Subito) – Омилен меѓу европските купувачи и колекционери.