Откако Иско на крајот на декември го раскина договорот со Севиља, играчот за врска во нападот е во потрага по нов клуб, а сега интерес за него покажаа два клубови од Бундес лигата.

Имаше информации дека Иско би можел да го облече дресот на Унион Берлин, но денеска овој клуб ја информираше јавноста дека нема да дојде до трансфер.

– Сакавме да го имаме Иско во Берлин, но имаме свои граници. Тие беа надминати денеска – спротивно на претходниот договор. Трансферот нема да се случи – се зборовите на спортскиот директор на Унион Берлин, Оливер Рухнерт.

Иско пристигна во Берлин во понеделникот вечерта и ги помина медицинските прегледи во вторник наутро, но договорот пропадна во последниот момент.

Унион Берлин сезонава во најсилното германско првенство се бори за шампионската титула. Моментно е на второто место на табелата со само еден бод помалку од водечкиот Баерн.