По дојава од граѓани на бројот 112, попладнево е пронајден човекот кој според ЦУК „најверојатно“ е оној што вчера се самоуби фрлајќи се од мостот „Близнак“ на булеварот „Србија“ во реката Вардар, информираат од Центарот за управување со кризи.

„Удавениот човек е лоциран на околу два километра низводно од истоимениот мост. Телото на давеникот е извлечено од тимот на МВР и понатаму ќе се постапува согласно процедурите за вакви случаи и дополнително ќе следи идентификација и потврда на случајот. За дополнителни информации или детали ќе ве известиме согласно добиените информации“, велат од ЦУК.