Доделувањето на „Златната топка“ (награда за најдобар фудбалер на годината) ќе се одвива според нови правила во иднина.

Според францускиот медиум „Л’Екип“, „Франс Фудбал“ објави нови правила кои ќе се применуваат при доделувањето на „Златната топка“.

Една од измените е тоа што при изборот на најдобрите ќе се смета периодот од август до јули, а не цела календарска година. Значи, сезоната ќе ја замени годината.

Главната причина е што досега се запазени втората полусезона и првата половина од следната сезона.

Втората промена е што досега гласале новинари од 170 земји членки на ФИФА, а отсега тоа ќе можат да го сторат само оние од топ 100. Со тоа ќе се спречи врз резултатите да влијаат новинари од оние земји кои немаат фудбалска традиција, како и оние кои немаат ни пристап до натпревари.

France Football has announced the Ballon d’Or will now be given to the best player over a standard European season rather than during a calendar year.

The 2021-22 campaign will end with the 2022 Women’s Euros, and the 2022 World Cup will be included in the 2022-23 awards. pic.twitter.com/tk7z7zuqDW

— B/R Football (@brfootball) March 11, 2022

Третата важна промена е дека веќе не се важни трофеите што некој играч ги освоил или не, туку само неговите индивидуални игри.

Наводно, причината за овие промени била минатогодишната награда, кога според многумина Лео Меси неоправдано ја зема „Златната топка“. Се очекуваше да му припадне на Роберт Левандовски, кој за утеха беше прогласен за најдобар напаѓач.