Професионална хигиеничарка и сопственичка на компанија за чистење од државата Охајо открила кои работи никогаш не би ги имала во својата бања, објавува „Сан“.

Во видео на Тикток, таа тврди дека не се само теписите во бањата „одвратни“, туку и одредени плочки се вистински кошмар поради фугите. Таа исто така наведува дека акрилните полици се „собирачи на прашина“.

„Отвореното складирање не е паметна опција ако сакате вашата куќа да изгледа чисто. Теписите во бањата генерално се одвратни. Тие само додаваат уште еден непотребен чекор во рутината за чистење“, рекла таа.

Таа објасни и зошто ги избегнува шестоаголните плочки: „Тие имаат премногу споеви што треба да се изрибаат. Изгледаат грдо ако не се одржуваат редовно“.

Таа, исто така, ги критикуваше самолепливите полици: „Ако некогаш се преселите, ќе се забавувате вадејќи ги. Потребно е долго време и навистина не вреди“.

Ако сакате бања без прашина, таа советува да избегнувате отворени полици над тоалетот: „Наместо тоа, земете шкаф. Ќе ги мразите полиците бидејќи постојано ќе бидат покриени со прашина.“