Денеска водечкиот во најквалитетното македонско првенство Шкупи ја информираше јавноста дека со сериозна повреда се здоби интернационалецот од Руанда, Абдул Рватубјаје.

Овој одбранбен играч ја повреди левата нога (мускулна тетива) и моментно е во Истанбул за да биде опериран.

Според лекарите, Рватубјаје ќе биде надвор од теренот седум или осум месеци.

Пред два дена играчите на тренерот Гоце Седлоски одиграа пријателски натпревар кој го добија со 2:1 против Сумгајит од Азербејџан.

За два дена како подготовка за пролетниот дел од сезоната клубот од Чаир ќе има нов тест против Черноморец Одеса од Украина.