Лидерот во Ла Лига, Реал Мадрид објави дека четворица фудбалери се позитивни на коронавирус. „Кралевите“ соопштија дека во изолација се испратени Тибо Куртоа, Федерико Валверде, Едуардо Камавинга и Винисиус Жуниор со што се зголеми бројот на заразени фудбалери на шест.

Минатата недела, Реал Мадрид соопшти дека позитивни на ковид-19 се Иско и Давид Алаба.
Овие фудбалери сигурно нема да бидат во комбинација за настап на следниот натпревар на Реал Мадрид кога на 2 јануари идната година ќе му гостува на Хетафе.

Освен Реал Мадрид, големи проблеми со позитивни на коронавирус има и Барселона. Каталонскиот тим вчера соопшти дека позитивни се Осман Дембеле, Самуел Умтити и Гави, а неодамна беа заразени и Клемен Ленгле, Дани Алвеш, Жорди Алба и Алехандро Балде.