Ракометното дерби вчера во „Јане Сандански“ кое заврши со победа на Вардар од 31:24 беше проследено и со големи инциденти.

Во 17 минута натпреварот беше во прекин откако домашни навивачи од кај делот на „Комити“ влетаа на теренот и фрлаа предмети кон трибината на гостинските фанови кај што се наоѓаа „Чкембари“ кои пак фрлаа факели и кон неутралните навивачи. МВР денес соопшти дека приведени се 18 лица.

„На 26.03.2023 полициски службеници приведоа 18 лица во врска со нарушување на јавниот ред и мир на натпреварот Вардар-Е. Пелистер во салата Јане Сандански во Скопје. Известен е јавен обвинител и се преземаат дополнителни мерки и активности за расчистување на случајот по закон за спречување на силство на спортски натпревари“, стои во соопштението на МВР.