Педесет и двегодишен турски државјанин вчера бил приведен на граничниот премин Деве Баир, откако при извршена пасошка контрола за влез во државата и проверка во оперативна евиденција било констатирано дека поседува фалсификувана возачка дозвола.

-Вчера, во 9:30 часот, на граничниот премин Деве Баир, на влез во државата, полициски службеници го лишиле од слобода 52-годишниот Ч. Ј. од Република Турција затоа што при извршена пасошка контрола и проверка во оперативната евиденција било констатирано дека приложил фалсификувана возачка дозвола – соопштија од МВР.

Со случајот бил запознаен јавен обвинител, а управувачот на возилото бил предаден на полицијата во Крива Паланка за понатамошна постапка.