На граничен премин Табановце вчера во 12.40 часот бил приведен четириесет и деветгодишниот Д.К. од Република Грција, поради сомнение за сторено кривично дело „давање поткуп“, информираат од МВР.

– При пасошка и гранична контрола на возилото „форд“ со германски национални ознаки, кое го управувал, тој во својата патна исправа ставил пари како поткуп. Парите биле одземени со потврда за одземени предмети, а лицето било предадено на полициски службеници од СВР Куманово за понатамошна постапка, соопштија од МВР.