Објавен е првиот трејлер за филмот „Aquaman and the Lost Kingdom“, по пет години од првиот дел, а спектаклот во кината се очекува на 21 декември. Филмот го следи Аквамен (Џејсон Момоа) додека се здружува со неговиот полубрат Орма (Патрик Вилсон) во борбата против немилосрдниот пират Блек Манта, кој го игра Јахја Абдул-Матин II.

Блек Манта сака да се одмазди за смртта на својот татко и нема да запре додека целосно не го уништи Аквамен. Овој пат Блек Манта е посилен од кога било и има голема митска моќ. Откако ќе го ослободи уништувачкото оружје, Аквамен мора да ја заштити Атлантида. Со оглед на тоа дека не може сам, тој се обраќа за помош кај својот полубрат, поранешниот крал на Атлантида.

Филмот се фокусира на врската помеѓу Аквамен и неговиот брат и вклучува сцени од никогаш необјавен спин-оф базиран на Блек Манта. Покрај тоа што го наоѓа патот во улогата на спасување на планетата, Момоа се обидува да се најде и во улогата на татко. Се враќаат и актерите од првиот филм. Заедно со Џејсон Момоа, тука се и Амбер Херд, Јахја Абдул-Матин II, Патрик Вилсон и Никол Кидман. 

Улогата на Амбер Херд, која поради контроверзниот развод со американскиот актер Џони Деп, беше под знак прашалник и кариерата ѝ тргна надолу. Самиот филм привлече големо внимание бидејќи „Aquaman“ е првиот голем проект во кој Херд се појавува по разводот. За време на разводот, Амбер тврдеше дека студиото ѝ ја намалило улогата, а сега се вели дека вкупното време на Херд е од 10 до 20 минути.

Во јуни 2022 година, исто така, се шпекулираше дека студиото не ja повикало Херд за снимањето на продолжението и дека се во процес на повторно доделување на ликот на Мерa. Херд негираше дека била исфрлена од проектот, но гласините беа потврдени кога тогашниот шеф на „ДЦ“ (DC), Валтер Хамада, сведочеше за време на судењето, каде што истакна дека размислувале да ја сменат актерката поради недостаток на хемија со главниот актер Џејсон Момоа.