Стигна нов заплет во врската меѓу раскараните браќа, принцот Вилијам и принцот Хари, а е поврзан со избрзаната венчавката на Хари и Меган Маркл.

Британското кралско семејство на своја кожа почувствува дека избрзаните веридби, а потоа и свадбите често носат катастрофални последици, особено затоа што парот кој е толку вљубен во тој момент всушност не се познава доволно добро, како што беше случајот кога принцот Чарлс ја запросил 20-годишната Дијана по само шест месеци врска.

А тогаш минатото се повтори, кога пролетта 2016 година беше откриено дека принцот Хари започнал врска со американската актерка Меган Маркл.

Гласините за свршувачката почнаа брзо да се шират, а потоа се вмешало семејството на Хари. Според кралскиот биограф Тина Браун, принцот Вилијам, кој се забавувал со Кејт Мидлтон осум години пред да ја запроси, бил крајно „нервозен“ поради брзината со која напредувала врската на неговиот помлад брат и американската актерка.

Тој бил загрижен за тоа како Меган толку брзо ќе влезе во кралското семејство и ќе го совлада сето она што е потребно. Но, Хари, вели Тина Браун, ја отфрлил загриженоста на неговиот брат тврдејќи дека морал да избрза со венчавката бидејќи „биолошкиот часовник на Меган отчукувал“, со оглед на тоа што таа тогаш имала скоро 35 години.
Но авторката тврди дека всушност најголемата грижа на Вилијам, иако тоа не го кажал гласно, била „психичката нестабилност“ на неговиот помлад брат, сметајќи дека тој нема да може да се справи со сето „малтретирање“ што ќе го трпи Меган.

Набргу откако ја започнаа нивната врска, Хари ја запознал Меган со кралицата Елизабета Втора за време на неформалната посета во Виндзор. Во тоа време, кралицата се воздржала од коментари, велејќи дека е „среќна ако Хари е среќен“.

Но, книгата на Тина Браун „The Palace Papers: Inside the House of Windsor“ открива:

„Вилијам добро го познаваше Хари и се плашеше дека влегува во неволја. Секој пат кога неговиот брат ќе се заљубеше, тоа беше ерупција на Везув. Му рекол дека таа е четвртата девојка што ја однел во Боцвана.“

За потребите на својата книга, авторката зборувала со 120 кралски инсајдери цели две години и утврдила дека на поголемиот дел од семејството му се допаѓа Меган и дека најмногу отпор пружил Вилијам. Тој бил загрижен дека Меган нема да има доволно време да создаде живот во Обединетото кралство и да стекне нови пријатели.