Принцот Хари стравува дека историјата може да се повтори кога станува збор за ривалството меѓу браќата и сестрите во британското кралско семејство.

Имено, во разговор за „Телеграф“, тој изјави дека е загрижен за децата на принцот Вилијам и принцезата Катерина и за тоа дека динамиката „престолонаследник-резерва“ ќе се рефлектира и врз нивниот однос во иднина.

Принцот Вилијам и принцезата Катерина имаат три деца – деветгодишниот принц Џорџ, седумгодишната принцеза Шарлота и четиригодишниот Луи.

„Иако јас и Вилијам разговаравме за тоа еднаш или двапати, и тој многу јасно ми кажа дека неговите деца не се моја одговорност, сепак чувствувам одговорност, знаејќи дека од тие три деца, барем едно ќе заврши како јас – резерва. И ме боли, ме загрижува“, изјави принцот Хари.

Во своите мемоари, принцот Хари опиша како етикетите на „наследник“ и „резерва“ имаа негативно влијание врз односот на двајцата браќа.

Хари додава дека постојано имал чувство дека „дошол на овој свет за секој случај, ако му се случи нешто на Вилијам“.

„Наследник и резерва. Немаше осуда за таа поделба, но немаше ни двосмисленост. Јас бев само сенка, поддршка, план Б. Бев тука за да дадам поддршка, да бидам дистракција, и ако е потребно – да донирам. Бубрег, можеби. Трансфузија на крв. Коскена срцевина. Сѐ тоа ми беше јасно уште од почетокот на животот“, пишува принцот.

Повеќе на темата:

Принцот Хари вели дека во книгата ги поштедил неговите татко и брат бидејќи „никогаш не би му простиле“

„Тепачка“ за мемоарите на Хари: Францускиот издавач на книгата мораше да отпечати уште 130.000 примероци

Вилијам и Кејт за првпат во јавноста по објавувањето на „Spare“: Изразот на нивните лица е јасен