Принцот Хари за странските медиуми изјави дека неговата мајка, принцезата Дијана, е присутна во се што тој прави и дека се надева дека таа „таму некаде“ се гордее со него.

„Се трудам да ја почитувам мајка ми во се што правам. Се надевам и верувам дека ја правам горда. Во тие 12 кратки години кои имав среќа да ги поминам со неа, ја видов и почувствував енергијата и силата што таа ги доби помагајќи им на другите, без разлика на нивното потекло, болест или статус. Затоа животот на тие луѓе, но и нејзиниот бил подобар, колку и да биле кратки“, изјави Хари.

Тој откри дека во последните две години повеќе од кога било досега го чувствува присуството на мајка си.

 

View this post on Instagram

 

A post shared by Prince Harry, Duke of Sussex? (@duke_.of_sussex)

Принцот се обидува да ги следи стапките на неговата мајка правејќи работи кои и биле важни, како што е добротворна работа, особено помагање на организацијата „Halo Trust“ со која Дијана работела во Ангола во 1990-тите на расчистување на нагазните мини.

„Тоа што го направи мајка ми тогаш, и многу други луѓе, беше рушење на тој ѕид. Таа ја отвори вратата со ногата и рече: „Не. Кога луѓето страдаат, тоа мора да го знае целиот свет“ изјави помладиот син на Дијана.