Прилог за безброј јадења: Едноставен рецепт за највкусните печени моркови
Печените моркови можат да бидат одличен додаток на различни јадења. Тие се природно слатки и совршено се комбинираат со солени грицки, особено со печено месо.
Препорачано
За вкусот е заслужна и комбинацијата на јаворов сируп и кафеав шеќер, а ако сте љубители на зачинета храна – задолжително додадете малку чили во прав.
За овој рецепт не ви се потребни многу состојки, а ниту посебна умешност во кујна. Ставете сè во сад зa печење и ставете го во рерната. И тоа е тоа!
Состојки:
– 1 кг моркови со средна големина
– 100 г стопен путер
– 70 г кафеав шеќер
– 70 мл јаворов сируп
– поле лажичка чили во прав
– сол по желба
Подготовка:
Загрејте ја рерната на 200 степени. Покријте го садот со хартија за печење. Измиените моркови исечете ги на половина и распоредете ги. Растопете го путерот и измешајте го со кафеавиот шеќер и јаворовиот сируп. Додадете чили во прав и сол по желба. Добиената смеса рамномерно прелијте ја врз морковите и ставете ги во рерна 50 до 60 минути додека зеленчукот не омекне и добие убава златно-кафеава боја. Проверете ги морковите на секои 20 минути и протресете ги на плехот за печење. Послужете ги морковите топли како прилог по желба. Добар апетит!
