Приказната на легендарното „фиќо“: Доволно пространо за семејство со поплиток џеб, доволно отмено за дама во скапа бунда
Пред 68 години од производната лента на „Застава“ во Крагуевац се симна првото „фиќо“, кое по лиценца на италијанскиот „Фиат“ се произведуваше следните 30 години. Вкупното производство на погонот изнесувал 923.487 примероци, со што „застава 750“ беше еден од најпопуларните автомобили на патиштата во бивша Југославија.
Препорачано
„Фиќото“ е меѓуградско возило. Ако не верувате, прашајте ги постарите: тие со „фиќото“ оделе таму каде што денес се оди со авион“, беше рекламниот слоган на „Застава“.
Колата е изработена по италијанска мерка, темпераментен за својата класа, наменет, пред сѐ, за купувачи со помал буџет. Мал, економичен автомобил, доволно простран за семејство со поплиток џеб и доволно отмен за дама во скапа бунда која со голем автомобил не може да се снајде во градот“, напиша Југопапир на 30-годишнината од производството на „фиќото“.
Во 1955 година биле склопени 25 возила. Оттогаш до крајот на 1984 година од лентата се симнале 902.347 автомобили.
Веќе во 1960 година стариот мотор од 633 кубика е заменет со нов и посилен мотор од 750 кубика. Тогаш во ознаката 600 додадено е една буква „Д“. Четири години подоцна „фиќото“ го добива официјалното име „застава 750“. Во 1968 вратата беше свртена „наопаку“.
Две години подоцна „Фиат“ престана да го произведува овој модел, иако дотогаш на купувачите им испорача два и пол милиони возила.
Дури и најјаката верзија на „фиќото“ немаше никакви застрашувачки перформанси. Фиќото 850 може да развие 125км/час, а до 100 км забрзува мошне долго. Но сепак, имаше свои купувачи. Мал, згоден за возење низ град, а и издржлив.
„А нашиот народ го ставаше на секакви маки. Познато е дека го користел за погон за мешалка за бетон, дека влечел товар потежок од него и дека му прицврстиле чистач за снег. Сето тоа „фиќото“ стоички го издржа. „Фиќото“ ја има таа сатисфакција дека на него повеќето Југословени научиле да возат, дека со години бил единствениот домашен тркачки автомобил. Пред петнаесетина години двајца авантуристички расположени пријатели со „фиќото“ од Белград стигнале до Индија. Без ниту еден дефект. Не се работи за пропаганден трик – овој подвиг не го поттикна фабриката“, пишуваше Југопапир.
