Фудбалските клубови се подготвуваат за вториот дел од сезоната, а покрај тренинзите формата се темпира и со играње на контролни мечеви.

Во Охрид денеска реми одиграа екипите на Работнички и Пелистер со конечен резултат 1:1.

Погодокот за скопските „романтичари“ беше Кире Маркоски, а кај битолчани единствениот гол го постигна Борче Маневски.

Составот на Шкендија претрпе пораз (0:2) од тимот на ЦСКА 1948 на подготовките во Турција. Бугарите славеа со головите на Ангел Бастунов во третата и Лазар Марин во 81 минута. Тетовските „црвено-црни“ претходно тестираа и против словенечката Мура (1:1).

Пријателски натпревар имаше и во Струга каде тимот на Брегалница со голот на Рудолф Благоџи во 12 минута триумфираше со 1:0 над Караорман.