Претседателот на Европскиот Совет, Шарл Мишел вечерва повика на итно ослободување на опозицискиот лидер Алексеј Навални кој по слетувањето од Германија беше уапсен на аеродромот „Шереметјево“ во Москва.

– Приведувањето на Навални по враќањето во Москва е неприфаливо, изјави вечерва Мишел и ги повика руските власти под итно да го ослободат Навални.

Рускиот опозициски лидер беше приведен вечерва на пасошката контрола на аеродромот „Шереметјево“ во Москва по враќањето во Русија од Германија каде се лекуваше од наводно труење со нервниот агенс „Новичок“, соопштија од Федералната служба за извршување на санкции.