Клубовите во Премиер лигата можеби ќе мора да вратат 340 милиони фунти (385 милиони евра) на домашните и меѓународни радиодифузери, дури и во случај сезоната во Англија да продолжи пред празни трибини.

Огромна сума, но далеку помала од милијарда фунти, колку што првично предвидуваат првите луѓе на англискиот фудбал…

Челниците на лигата ги слушнаа критиките за одигрување на натпреварите на неутрални терени и не се согласуваат со ваквата идеја од страна на британските власти.

Промената на датумите за играње на мечевите, празни трибини и неочекуваниот формат во завршницата на сезоната може да се покаже како причина за враќање пари.

Клубовите во Премиерлигата ќе заработат скоро 10,5 милијарди евра од 2019 до 2022 година, според првичниот план.

Волјата за завршување на сезоната сè уште постои, и иако не е сигурно како ќе се случи тоа. Ричард Мастерс, извршниот директор на Премиерлигата, вели само дека загубите по клубовите ќе бидат големи.