Премиер лига: Дали Ливерпул ќе ја одбрани титулата, колку далеку можат Лидс и Алиоски?
Од денеска официјално почнува новата сезона во Премиер лигата (2020/21), а истата според најавите треба да заврши на 23 мај, на 19 дена пред почетокот на наредното Европско првенство.
Препорачано
-
1
-
2
-
3
Ливерпул минатата сезона на најдобар можен со дури 18 бодови предност пред второпласираниот Манчестер сити ја освои титулата која ја чекаа 30 години и сега во новата сезона играчите на менаџерот Јирген Клоп ќе влезат скоро со непроменет тим.
Од клубот си заминаа Лалана, Ловрен и Натаниел Клајн, но преодниот рок поради ситуацијата со Ковид-19 само што започнува. Уште на самиот старт „црвените“ на Клоп ќе имаат еден незгоден противник кој е предводен од менаџерот Марсело Биелса.
Back in action ? pic.twitter.com/l6qmg275KY
— Premier League (@premierleague) September 12, 2020
На стадионот „Енфилд“ од 18.30 часот Ливерпул ќе ги одмери силите против Лидс во чии редови настапува и македонскиот репрезентативец Езџан Алиоски. Екипата од „Иланд роуд“ успеа летово да се засили со Родриго Морено од Валенсија за 30 милиони фунти.
Според обложувалниците Манчестер сити е главен фаворит за трофејот, но сигурно ќе има уште неколку екипи кои дефинитивно имаат сериозни амбиции за тронот, а тие се актуелниот првак Ливерпул, потоа Манчестер јунајтед, Челси.
??#PL pic.twitter.com/kkX5z6XEsz
— Premier League (@premierleague) September 12, 2020
Лондонските „сини“ на Лампард сигурно ќе сакаат да се покажат во уште подобро светло, а особено после ангажирањето на нови звучни имиња како Тимо Вернер, Каи Хаверц, Хаким Зијеш, Бен Чилвел, Тиаго Силва и Маланг Сар.
А сигурно високо ќе сакаат да котираат во генералниот пласман и лондонските состави на Артета и Мурињо, Арсенал и Тотенхем.
Премиер лига
Сезона 2020/21
Сабота, 12 септември
Двојки, прво коло –
13.30 часот Фулам-Арсенал
Барнли-Манчестер јунајтед (одложено)
16.00 часот Кристал Палас-Саутемптон
Манчестер сити-Астон Вила (одложено)
18.30 часот Ливерпул-Лидс
21.00 часот Вест Хем-Њукасл
Недела, 13 септември
15.00 часот Вест Бромвич-Лестер
17.30 часот Тотенхем-Евертон
Понеделник, 14 септември
19.00 часот Шефилд јунајтед-Вулверхемптон
21.15 часот Брајтон-Челси
