Предлог идеја за неделниот ручек: Плескавици од хелда
Секогаш кога ќе се спомне плескавици, многумина истите ги поврзуваат со месо. Но, дали сте знаеле дека можете да подготвите плескавици и од хелда со кои можете да го изненадете семејството денес. Рецептот е толку едноставен:
Препорачано
Состојки:
– 2 ½ чаша варена хелда
– 2 чаши сечкан праз
– 2 моркова
– 1 црвена пиперка
– 4 чешниња лук
– ½ чаша интегрално брашно
– 2 полни големи лажици мелено ленено семе
– по ½ лажичка босилек, мајчина душичка, црвен пипер и чили
– 1 лажичка сода
– сол и црн пипер
Подготовка:
Хелдата исцедете ја од вода и заедно со празот, ренданите моркови и сечканата пиперка и останатите состојки ставате ги во сад, па со рака убаво замесет ја смесата. Ако има потреба, додадете малку вода (зависи од тоа колку била влажна хелдата). Треба да добиете лепливо тесто, кое е лесно за формирање
плескавици. Наредете ги во плех обложен со хартија за печење и ставете ги да се печат во рерна загреана на 220 степени, 15 минути. Потоа намалете на 200 степени и печете уште 30-ина минути. Внимавајте да не ги пресушите плескавиците, треба да останат малку ровки.
Пријатно јадење!
