Бронзениот тен често е симбол на летни денови поминати на сонце и може да ѝ даде здрав и сјаен изглед на кожата. Многумина веруваат дека темниот тен ја прави кожата поубава и остава впечаток на виталност и енергија. Иако сончањето може да резултира со привлечна златна боја, важно е да се биде внимателен поради потенцијалните оштетувања на кожата и ризикот од изгореници од сонце, пишува „Б92“.

Со соодветна нега и заштита, темниот тен може да трае неколку недели и да биде убав потсетник на времето поминато на отворено. На крајот, бронзениот тен може да биде и спомен од убавите моменти доживеани за време на летните месеци.

Сакате да имате убав тен и по летото? Само додадете неколку намирници во вашето дневно мени!

Морков

Основен зеленчук ако сакате рамномерен и убав тен. Тоа е познат извор на бета-каротен. Редовната консумација на морков не само што го зајакнува имунитетот, го подобрува видот и здравјето на забите, туку и помага подолго да го задржите вашиот тен.

Праски

Овој сочен плод е одличен за здравјето и убавиот изглед на кожата. Праските се богати со витамини и минерали, меѓу кои и бета-каротенот. Тие ја штитат кожата, спречуваат изгореници и придонесуваат за рамномерна боја. Дополнително, поттикнуваат продукција на меланин – пигментот што ја одредува бојата на кожата.

Брокула

Вистински извор на вредни нутриенти. Брокулата содржи природни антиоксиданси и витамини А, Е, Ц и Б. Редовната консумација на брокула ја штити кожата пред и за време на изложеност на сонце. Зелените „цветови“ имаат и лековито дејство – го намалуваат црвенилото поради сончање.

Диња

Ако сонуваш за убав тен – дињата мора да биде дел од твоето мени. Таа содржи витамини Б1, Б2, Ц, ПП, железо и бета-каротен. Дињата ја нагласува бојата на кожата. Препорачаната дневна доза е 300 грама.

Домати

И доматите ќе ви помогнат да добиете убава боја на кожата. Тие имаат повеќекратни функции: ја штитат кожата од сончевата светлина и помагаат да се постигне убава, природна боја. Богати се со минерали, витамини од групата Б и вредниот ликопен – состојка која штити од рак на кожа. Мала чаша сок од домати е одличен сојузник во заштитата од УВ зрачење, дури и кога користите производи со низок фактор.