Студентите кои го блокираат Универзитетот во Нови Сад ги повикаа колегите и граѓаните вечерва во 20 часот да ги пречекаат студентите велосипедисти од Стразбур пред Ректоратот, објави 021.rs.

„Пристигнуваат нашите храбри велосипедисти од Стразбур, на кои сме неизмерно горди“, објавија студентите на Инстаграм.

Дочекот првично беше планиран за 17 часот пред Ректоратот во Нови Сад, но поради непредвидени околности тој беше одложен за 20 часот.

Покрај овој дочек, студентите во блокадата организираат и покануваат на „Свеченоста за хероите“, централна манифестација за добредојде на студентите кои со велосипед од Нови Сад се упатија до Стразбур.

ВИДЕО: Величествен пречек за српските студенти кои возеа велосипеди до Стразбур

„Свеченоста за хероите“ е планирана за вторник, 22 април.

Околу 80 ученици-велосипедисти тргнаа од Нови Сад на 3-ти април на патување од 1.400 километри до Стразбур, каде што пристигнаа на 15-ти април.

Нивната цел беше да го свртат вниманието на европската јавност и институциите на општествено-политичката ситуација во Србија, по уривањето на настрешницата на железничката станица, при што загинаа 16 лица, а едно лице тешко беше повредено.