Водителката Елен Деџенерис и нејзината сопруга Портиша де Роси наводно си заминале од САД по победата на Доналд Трамп на претседателските избори. Извори блиски до парот за ТМЗ открија дека тие одлучиле веднаш да избегаат од земјата откако новоизбраниот претседател ја победи Камала Харис, пренесува „Индекс.хр“.

Двојката наводно била многу разочарана од веста и се преселила во нов дом во југозападна Англија, околу два часа од Лондон. ТМЗ пренесува дека имотот го купиле пред претседателските избори. Елен и Портиша, кои се венчаа во 2008 година, планираат да го стават својот дом во Калифорнија на продажба.

Извештајот доаѓа откако поддржувачите на Трамп ги преплавија социјалните мрежи на Елен  со коментари, критикувајќи ја по реизборот на поранешниот претседател.

„Зарем Елен не рече дека ќе ја напушти земјата ако победи Трамп?“, „Зарем таа веќе не треба да ја напушти земјата? се само дел од коментарите на нејзиниот профил.

Инаку во август, Деџенерис јавно ја поддржа Харис на Инстаграм.

„Ништо не е помоќно од жена чие време е дојдено! Едвај чекам Камала Харис да стане наш претседател“, напишала Елен на постот.

Десет години од легендарното „селфи“: Елен Деџенерис ја направи една од најпознатите фотографии во поп културата