Позната водителка „удри“ по Џенифер Лопез: „Многу е непријатна, има поголема придружба од претседателот“
![](https://www.slobodenpecat.mk/wp-content/uploads/2024/06/FotoJet-2024-06-11T113831.720.jpg)
Џенифер Лопез ја поминува „најлошата година во животот“, како што пренесуваат американските медиуми. Не само што минува низ бурен период во бракот со Бен Афлек, иако парот сè уште не го потврди тоа, и дека ја откажала турнејата, туку се чини дека латино-дивата има сè повеќе критичари кои не се колебаат отворено да ја критикуваат.
Една од нив е и познатата американска водителка и новинарка Меган Мекејн, која неодамна се вклучи во критикувањето на пејачката.
Имено, Меган неодамна во својот подкаст „Граѓанинот Мекејн“ истакна дека Џеј Ло била „многу непријатна“ кога комуницирале за време на популарното ток-шоу „Поглед“.
„Имам слично негативно искуство со неа, како и сите други. Се чувствувам лошо бидејќи доаѓаме до точка кога ова веќе почнува да биде малтретирање на Џеј Ло“, рече 39-годишната водителка, според „Ентертејмент Викли“.
„Таа е навистина длабоко непријатна личност. Ја имаше најголемата придружба на соработници што некогаш сум ја видел (кога гостуваше во ‘Поглед’). Повеќе од Ким Кардашијан и претседателот“, рекла Мекејн, додавајќи дека навистина не разбира зошто било тоа потребно.
Меган тогаш изјави дека пејачката наводно имала врска со тоа што едно од нејзините видеа на ТикТок било „отстрането од таа мрежа“. Во забавена снимка, водителката вели дека Џенифер не е „нејзиниот омилен гостин од „Поглед“.
„Таа беше таа што го отстрани нашето видео“, нагласи оваа русокоса, но го додаде зборот „наводно“, бидејќи нема доказ дека Лопез навистина е таа што стои зад жалбата до ТикТок дека во видеото е направено прекршување.
Таа се присети и како Џенифер за време на тоа гостување постојано имала со себе еден од своите вработени, кој „држел огледало со светла додека ја подготвувале да се појави на телевизиските екрани“.
„Бев водителка на ‘Поглед’, таа не беше убава. Не мора секогаш да бидеш супер фин, но беше изненадувачки за луѓето како, на пример, Ким Кардашијан да бидат толку добри. Кога ќе дојдеш на шоу за дел од 10 минути, само лажирај ја таа убавина 10 проклети минути“, заклучи Мекејн.