Британската старлета Кејти Прајс (45) се најде на удар на критики откако го даде своето куче на нов сопственик само една година откако го посвои, пишува „Сан“.

Минатата година Кејти стана сопственичка на кученце германски овчар, кого го нарече Тенк. Како што откри извор близок до старлетата, таа сега му го подарила на својот електричар.

„Кејти го доби кучето само пред неколку месеци, но му го даде на својот електричар. Обожава да има кученца кои изгледаат слатко на Инстаграм, но кога ќе почнат да растат и таа треба да ги тренира, таа губи интерес“, откри изворот.

Инаку, Тенк беше седмиот миленик на Кејт, а кога ја објави последната фотографија со него таа доби голем број критики. Некогаш имала куче по име Прешс, кое го подарила на еден од актерите во шоуто на кое работела.

Минатата година на интернет кружеше петиција за забрана на старлетата да има домашни миленици. Петицијата е започната откако едно од нејзините кучиња загинало во близина на нејзиниот дом, откако во него удрил автомобил.

Како потсетување, Прајс е голема љубителка на естетските операции и тврди дека ги има најголемите гради во Велика Британија, кои ги зголемувала дури 16 пати.

ФОТО | Откако ѝ умре седмото куче, луѓето покренаа петиција против Британката со најголеми гради