Пожарот кај Дрисла и натаму беснее, вечерва гори и на две места кај Струга
Низ целата држава, до вечерва во 20 часот, регистрирани се вкупно 24 пожари на отворен простор. Четири од нив и натаму се активни и предизвикуваат најголема грижа, два се ставени под контрола, а пожарникарите успеаја да изгаснат 18 огнени жаришта.
Препорачано
Најголемиот проблем во моментов е во Липково и Гази Баба, каде што пламенот ја зафати нискостеблестата деградирана и дабова шума кај селото Никуштак и кај Булачани. Огромни облаци чад се издигаат и од депонијата „Дрисла“ кај скопското село Батинци, каде што гори ѓубре и интервенцијата, според надлежните, е многу сложена.
Во Струга има два одвоени пожари кои предизвикуваат големи штети – едниот во боровата шума кај селото Татеши, а другиот во населбата Еленкамен, каде што гори ниска вегетација.
Пожарите кај Берово и Струмица се под контрола. Во Русиново, на локалитетот Дрџински рид, пламенот уништуваше дабова и букова шума со папрат, но силната интервенција спречи понатамошно ширење. Во Струмица, пак, гореше депонијата во селото Куклиш, но пожарот веќе е ставен под надзор.
Пожарот во „Дрисла“ е сепак опасен, загрозени се и борова шума и објекти во близина
