Доцна попладнето, над Струмичката Котлина повторно е забележан облак од бел чад, а еко-активистите алармираат дека вчеравечер пожарникарите интервенирале на пожар од запалено отпадно масло.

„Во Струмица повторно голем облак од чад на северната и јужната страна од градот. Ова никако не е случајно и за овие намерни палежи некој мора да заглави во затвор! Пријавено е во пожарната и инспекциите кои веќе се на терен, а МВР мора да ги најде подметнувачите. Дознаваме дека во синоќешниот вечерен пожар се гасело отпаден зејтин, а на местото се најдени документи од струмичка фирма. МВР е на потег!“, велат активистите.