Ситната повреда која ја заработи во настапот за репрезентацијата на Македонија во квалификациите за Светското првенство за Бојан Миовски е минато и тој е подготвен да се врати на терените.

Миовски се соочи со повреда на коленото поради која го пропушти натпреварот минатиот викенд кој Жирона го играше против Барселона, меѓутоа сега повторно ќе биде на располагање на тренерот Мичел.

„Бојан е повторно фит. Тренираше нормално со тимот и ќе биде во комбинација за настап“, потврди Мичел на прес-конференцијата за медиумите.

Жирона утре во терминот од 14:00 часот на свој терен ќе се соочи со екипата на Алавес.