„Повраќав крв шест месеци“: Кејт Бекинсејл доби критики дека драстично ослабела, па се огласи за нејзината здравствена состојба
![](https://www.slobodenpecat.mk/wp-content/uploads/2024/05/FotoJet-43.jpg)
За време на подготовките за снимањето на нејзиниот нов филм „Украдена девојка“, популарната актерка Кејт Бекинсејл беше снимена во нејзиниот кампер како пробува многу интересни фустани и фризури во ретро стил, но на нејзините следбеници им падна во очи само на една работа – нејзиниот премногу слаб изглед.
Имено, Кејт беше принудена да се одбрани откако доби многу негативни коментари за нејзиниот слаб изглед, а некои дури и беа загрижени за нејзиното здравје, особено што неодамна заврши во болница поради мистериозна болест, пишува „Пејџ сикс“.
![](https://www.slobodenpecat.mk/wp-content/uploads/2024/05/Screenshot-2024-05-28-230154.png)
Додека актерката изгледаше воодушевена што се вратила на работа по неколкунеделниот престој во болница, корисниците на социјалните мрежо побрзаа да го кажат своето мислење за нејзиниот изглед.
„Жал ми е што го кажувам ова, но Кејт изгледаш премногу слабо“; „Секогаш имавше совршено избалансирана тежина. Но, кога ќе ти паднат образите, се губи рамнотежата“, биле дел од коментарите.
И тогаш актерката проговори, па конечно откри зошто била хоспитализирана пред неколку месеци.
![](https://www.slobodenpecat.mk/wp-content/uploads/2024/05/Screenshot-2024-05-28-230212.png)
„Се грижев за мојот очув до неговата смрт на почетокот на оваа година. И мајка ми се разболе. Гледав како умираат татко ми и очувот. Ја изгубив мојата мачка со која бев речиси 19 години, исто така минатата година“, започнала актерката, а потоа додала:
„Поминав шест недели во болница поради повраќање крв, што беше предизвикано од стресот што ми направи дупка меѓу хранопроводот и стомакот“, истакнала актерката.
„Тоа е она што сум подготвена да го откријам и што придонесе за одредено губење на тежината. Што мислите за мојот изглед и како треба да изгледам, без оглед на какви било околности во мојот живот и моето семејство, не е важно. Се обидувам да го преживеам она што изгледа како неподнослива загуба“, заклучила Кејт, замолчувајќи ги критичарите.