Вечерва во 20 часот на јтјуб каналот на „Слободен печат“ се емитува деветтото издание на поткастот „Со Ана на ТИ“, каде наш гостин е Петар Младеновски – Пеце, фронтменот на култниот скопски бенд „Суперхикс“, со кој минатата година прославија 30 години од нивното основање. Пеце покрај тоа што е успешен музичар, басист и вокалист, тој е дипломиран професор по руски јазик и книжевност, професија со која за жал не се занимавал никогаш во животот.

Тој е и реализиран сопруг и татко, посветен на своето семејство и вечен поборник за валидација и развој на културата, уметноста и вистинските општествени вредности. Со Пеце зборувавме за неговото детство, образование, булингот, влијанието на новата технологија и социјалните мрежи врз новите генерации и уште многу интересни теми со кои направивме паралела на животот пред триесетина години и сега.