Италијанскиот мотоциклист и легендарен возач на серијата Мото ГП се збогува на 43-годишна возраст. Валентино Роси денеска објави дека става крај на својата богата кариера.

Италијанскиот мотоциклист закажа прес -конференција мво која ја објави својата одлука..

– Ова е многу тежок момент за мене, тешко е да се знае дека нема да се тркам следната година, но беше одлично. Ова беше долго, забавно патување, да се има 25-26 години на Светското првенство е неверојатно. Имаше многу незаборавни моменти што ги доживеав со мојот тим – изјави Роси.

„Докторот“ претходно објави дека ќе донесе одлука за својата иднина за време на летната пауза, а неговите опции беа да се повлече или да ја продолжи кариерата во неговиот тим, кој од следната година ќе има две места во шампионатот, но во Дукати.

– Имав долга кариера и за среќа многу трки, имав некои победи кои се повеќе или помалку незаборавни и претставуваат чиста среќа. Тоа е нешто што ме насмеа една недела, десет дена. Тоа беше тешка одлука, и дали треба да разберете дека во сите спортови резултатите прават разлика и мислам дека ова беше вистинската.

Имав шанса да возам за мојот тим заедно со мојот брат, тоа е нешто што би сакал, но мислам дека е во ред вака. Имаме уште половина сезона, ќе биде тешко кога ќе стигнеме до последната трка, а сега е само време да ја објавиме одлуката. Не можам да се жалам – додава Роси.

За време на трофејната кариера, Роси освои седум титули во најсилната категорија, последната во 2009 година, а покрај тоа, тој беше шампион и во класата до 125 и 250 кубни метри.