На сцената на театарот „Јордан Хаџи Константинов – Џинот“, Велес, во офф-програмата на ИФАД „Стоби“ на 20 септември, со почеток во 19 часот, членот на жири-комисијата, Ѓорѓи Јолевски, ќе настапи со монодрамата „Последната лента на Крап“.

Оваа година, 19. Интернационален фестивал на античка драма „Стоби“, се одржува од 17 септември до 1 октомври, а покрај официјалната натпреварувачка програма, вклучена е и придружна офф-програма.

Монодрамата „Последната лента на Крап“ од Семјуел Бекет, во изведба и режија на Ѓорѓи Јолевски, изминатиот период гостуваше и на јубилејните 30. Денови на Св. Кирил и Методиј, во Македонскиот културен центар во Крањ, Словенија, како и на фестивалот на монодрамата „Гавран фест“ во Загреб, Хрватска.