Утрешниот ден ќе биде посебен за светскиот тенис бидејќи за последен пат еден против друг ќе играат големите ривали Рафаел Надал и Новак Ѓоковиќ.

Надал и Ѓоковиќ не успејаа да се пласираат во финалето на турнирот во Саудиска Арабија кој се игра за награда од шест милиони долари, па ќе водат битка за третото место. Ѓоковиќ беше елиминиран од Јаник Синер, додека Карлос Алкараз немаше проблеми против својот повозрасен сонародник.

Низ годините Ѓоковиќ и Надал досега одиграа 60 меѓусебни мечеви и во нив за две победи води Ѓоковиќ (31:29). Утрешниот меч веројатно нема да биде пресметан бидејќи станува збор за неофицијален турнир. Мечот според најавите е закажан за во терминот од 16:30 часот.

Ќе потсетиме, Надал неодамна потврди дека последниот настап во кариерата ќе го има во завршницата на Дејвис купот идниот месец во Малага.

ВИДЕО | Tажен ден за тенисот: Рафаел Надал заминува во пензија