Чилеанецот Артуро Видал кој во овој момент е член на Коло Коло од неговата татковина е осомничен за сексуален напад врз жена за време на забава.

Во краткото соопштение обвинителството поврди имало пријава за поранешниот фудбалер на Барселона, Интер, Баерн и Јувентус, но додаде и дека засега никој не е приведен.

Медиумите пренесуваат дека инцидентот наводно се случил во ноќен клуб в о Сантјаго каде што присуствувале уште неколку фудбалери на Коло Коло. Видал бил повикан во полициска станица за идентификација, меѓутоа тоа е стандардна процедура кога има пријава за извршување или обид за кривично дело.

Видал во редовите на Коло Коло настапува од оваа година, а за репрезентацијата на Чиле собра 142 настапи во кои постигна 34 гола.