Поранешната порно-ѕвезда Миа Калифа предизвика бурна реакција на интернет, откако гласно го поддржа терористичкиот напад на Хамас во кој загинаа стотици Израелци за време на викендот, пишува „Дејли мејл“.

Оваа 30-годишна јавна личност постојано го поддржуваше терористичкиот напад на групата, споделувајќи објави на нејзиниот профил на „Икс“ (Твитер), каде ги повикуваше терористите на Хамас да снимаат хоризонтално за да може подобро да го набљудува масакрот.

Can someone please tell the freedom fighters in Palestine to flip their phones and film horizontal

— Mia K. (@miakhalifa) October 7, 2023

Како што првпат се појавија извештаите за нападот, Американката со либанско потекло објави: „Може ли некој да им каже на борците за слобода во Палестина да ги свртат телефоните и да снимаат хоризонтално“.

Потоа таа продолжи со нови објави да ја покажува својата поддршка за палестинските терористи, кои во саботата го започнаа својот најлош напад во последните 50 години со невидени копнени, морски и воздушни напади. Милитантите на Хамас заземаа населби и заробија и убиваа цивили кои го славеа еврејскиот празник.

I can’t believe the Zionist apartheid regime is being brought down by guerrilla fighters in fake Gucci shirts – the biopics of these moments better reflect that

— Mia K. (@miakhalifa) October 7, 2023

„Не можам да верувам дека ционистичкиот режим на апартхејдот е соборен од герилски борци во лажни кошули на Гучи – биографиите од овие моменти подобро го одразуваат тоа“, напиша таа.

Калифа потоа сподели слика од терористи кои се возат во задниот дел на пик-ап, нарекувајќи ја „ренесансна слика“.

По нејзините објави за поддршка на масакрот таа очигледно изгубила и деловен договор, компанијата наречена „Red Light Holland“ преку објава на „Икс“ ја известила дека е „отпуштена“ поради нејзините „страшни“ изјави.

I’d say supporting Palestine has lost me business opportunities, but I’m more angry at myself for not checking whether or not I was entering into business with Zionists. My bad. https://t.co/sgx8kzAHnL

— Mia K. (@miakhalifa) October 8, 2023

„Би рекла дека поддршката за Палестина ми донесе губење на бизнис можности, но повеќе сум лута на себе што не проверувам дали влегувам во бизнис со ционистите или не. Моја вина“, објави Миа.

Инаку, Миа Калифа е родена во Бејрут, а како дете се преселила во САД во 2001 година за време на конфликтот во Јужен Либан со Израел. Таа отсекогаш изразувала поддршка за, како што го нарекува, палестинското „право да се стави крај на израелската окупација“ и често ги осудува „ционистите“.