Амбер Роуз, поранешната девојка на Канје Вест, во своето најново интервју откри зошто раперот практикува да ги облекува своите девојки оскудно. На самиот почеток, таа изјавила дека Бјанка Ценсори не го прави тоа доброволно, туку дека сето тоа е негова идеја.

„На Ким ѝ го направи истото. Тој е едноставно таков. Тој сака другите мажи да ја посакуваат неговата партнерка“, рече таа за време на појавувањето на поткастот на „Club Shay Shay“.

Таа додала и дека плачела затоа што ја принудувал да се појави гола во јавност.

„Бевме во Италија или Париз и се сеќавам дека плачев и се расправав со него. Му реков дека не сакам да ги носам тие глупости. Тој ми рече дека не го разбирам, дека тоа е мода, а тој е гениј. Се облекував така и ме критикуваа на интернет“, пренесува „Дејли мејл“.

Амбер и Канје ја започна својата врска во 2008 година, а ја прекинаа по две години.