Аманда Бајнс (39), некогашна огромна ѕвезда на детски и тинејџерски серии кон крајот на 90-тите и почетокот на 2000-тите, повторно е во центарот на вниманието, овој пат поради признанието дека користи „оземпик“.

Бајнс, која се здоби со слава во серии како „Сè тоа“, „Шоуто на Аманда“ и филмовите „Што сака девојката“ и „Таа е мажот“, со години е надвор од Холивуд. Се повлече од јавноста во 2010 година, по што следеа ментални здравствени и правни битки, а од 2013 година беше под старателство на нејзината мајка, кое не беше укинато сè до 2022 година.

Во неодамнешна објава на Инстаграм, Бајнс изјави дека почнува со „оземпик“, лек првично наменет за луѓе со дијабетес тип 2, но стана популарен во последниве години поради неговите ефекти врз сузбивањето на апетитот и губењето тежина.

„Почнувам со ‘оземпик’ и сум толку возбудена. Сега имам околу 78 кг и сакам да стигнам до 60 кг… Тоа би било одлично“, напишала таа во објавата.

Аманда ја откри и главната причина за нејзината одлука: „Се надевам дека изгледам подобро на папарацо фотографиите и дека подбрадокот повеќе нема да ми биде видлив од чудни агли“.

Инаку, неодамна Аманда ги извести своите следбеници на Инстаграм дека е подготвена да го освои „Онлифенс“.

Животната приказна на Аманда Бајнс: Од дете – ѕвезда до зависничка од адерал која талка „гола и сама“ по улици