Норвешкиот скијач Аксел Лунд Свиндал (39) објави дека му е дијагностициран рак на тестисите, но добрата вест е што е откриен во рана фаза.

– Последните неколку недели беа тешки за мене, но можам да кажам дека се недели, а не месеци, поради лекарска помош, малку среќа и добра одлука – објави Свиндал.

Свиндал кој кариерата ја заврши во 2019 година е двоен олимписки шампион, го освои златниот медал во супер велеслалом во 2010 година на ЗОИ во Ванкувер и во спуст на ЗОИ во Пјонгчанг во 2018 година, а има и пет светски шампионски титули и две титули севкупен победник на Светскиот куп (2007, 2009 година).

Покрај тоа, има и девет мали Кристални глобуси (пет во спуст, два во супервелеслалом и по еден во велеслалом и во комбинација).