На 112 во ЦУК беа примени повеќе пријави за итни случаи заради вчерашните обилни врнежи.

Поплавени улици и подрумски простории, преполни канали со вода…

РЦУК Скопје известува за добиена пријава од граѓанин дека секундарниот канал кај Усје не е исчистен, и поради зголемоно количество на вода од дождот истиот е полн со вода и постои потенцијална опасност истиот да се излее и предизвика штета. Поради тоа од РЦУК Скопје е стапено во контакт со Град Скопје од каде што известиле дека веднаш од нивна страна ќе испратат луѓе да утврдат во каква состојба е каналот. Истовремено, од ЦУК биле информирани и во АД Водостопанство кои известиле дека не се работи за канал што е во нивна надлежност, но истите би интервенирале доколку Град Скопје го побара тоа од нив.

Во 20.15 часот, преку 112 во ЦУК е добиена пријава за големо количество на вода по обилниот дожд што го погоди Скопје вчера попладне, на улица „Фуштанска“ 14А во скопската населба „Ченто“ (Општина Гази Баба). Според првите информации биле поплавени подрумските простории на повеќе приватни куќи долж улицата. Како што се наведува водата не го попречува сообраќајот и нема повредени. За ова веднаш од ЦУК е известена Општина Гази баба и СВР Скопје за понатамошна постaпка.