Заврши првото полувреме од мечот во Ереван во Ц Лигата на Нации меѓу Ерменија и Македонија. Резултатот е 0:0. Македонија поведе преку Серафимов во 5-тата минута, но судиите, по триминутно прегледување на снимките од ВАР-системот, сепак го поништија тој гол поради офсајд.

Ерменија имаше неколку закани – домашните беа поопасни во првиот дел. Спертсјан во три наврати и Бичакчјан, како и Зеларјан шутираа, но сепак мрежата на Столе Димитриевски не се тресеше, па на пауза се замина со почетните 0:0. Поранешниот фудбалер на Вардар, Миранјан, во втората минута од судиското продолжение имаше голема шанса за водство, но имавме среќа.

Македонија во првото полувреме не упати ниту еден удар кон домашниот гол, ако не се смета поништениот гол на Серафимов.