Полската агенција за внатрешна безбедност (АБВ) приведе руски државјанин обвинет дека е член на Исламска држава (ИД), соопшти Националното обвинителство во четвртокот, пренесува Ројтерс.

„Обвинителот го обвини уапсениот дека бил дел од вооружени групи во Сириската Арапска Република чија цел е извршување злосторства од терористичка природа“, се вели во соопштението на обвинителството.

Се наведува дека обвинетиот бил дел од Џабхат Ал Нусра и Ал Каеда пред да се приклучи на ИД.

Човекот се наоѓа во истражен затвор во траење од три месеци и доколку биде прогласен за виновен може да добие осум години затвор.