Полицијата во Малта уапси уште две лица за убиството на новинарка Дафне Каруана Галиција во 2017 година, пренесе агенцијата Ројтерс. 

Тие доцна синоѓа беа изнесени пред судот под силно полициско обезбедување, а кратко пред да бидат донесени пред судот комесраот на малтешката полиција Анџело Гафа изјави дека според доказите уапсени се сите клои се поврзани со нејзиното убиство

Според весникот Гардијан  комесарот Гафа, пред рочиштето на обвинетите Роберт Агиус и Џејми Вела во судот на Малта, изјави дека тие набавиле бомба од чија експлозија загина новинарката  Каруана Галиција.

Британскиот весник наведува дека досега седум мажи или признале или биле обвинети за соучество во убиството на Каруана Галиција, меѓу нив и мултимилионерот и бизнисмен Јорген Фенеш, кој во притвор ја чека одлуката и се изјасни дека не е виновен за поттикнување убиство.

Новинарката беше убиена во експлозија на бомба поставена под нејзиниот автомобил. Таа имаше свој блог на кој објавуваше извештаи за корупција, а пишуваше и за поврзаноста на владата со припадници на малтешкото подземје.