Донацијата од шест илјади вакцини Астра Зенека, што македонските гранични полицајци ја добија од Унгарија, нема да заврши кај нив, затоа што повеќето се помлади од 60 години а за таа возрасна категорија во земјава е забрането да се примаат вакцини од овој производител.

Како што дознава „Слободен печат“, откако граничната полиција вчера доби донација од Унгарија за луѓето кои ја штитат државната граница и секојдневно се соочуваат со проблеми на илегална миграција, решено е тие дози од Астра Зенека, да му бидат предадени на Министерството за здравство. Потоа Мнистерството за здравство, како замена на граничната полиција ќе и даде вакцини од Синофарм, што може да се аплицираат на помлади од 60 години, какви што се поголемиот број на граничните полициски службеници.

,,Припадниците на полицијата не се вакцинираат на територијата на Република Србија. МВР доби донација од Унгарија од 6 илјади дози од вакцината Астра Зенека кои нема да бидат наменети за припадниците на полицијата, туку за нив ќе бидат обезбедени 6 илјади дози вакцини Синофарм, а вакцините од донацијата ќе бидат искористени за вакцинација и ревакцинација на граѓани над 60 годишна возраст”, велат од Министерството за здравство за Слободен печат.

Откако на ниво на Европа се донесе одлука секоја држава засебно да одлучи дали ќе ја аплицира Астра Зенека на млади лица, нашата земја се одлучи да не го прави тоа. Причината е претпазливост, поради тоа што во ретки случаи, се појавуваат тромбоемболични реакции особено кај помлади жени. Некои европски држави решија да ја даваат Астра Зенека на сите, независно од возраста, меѓутоа Македонија не е меѓу нив. Затоа оваа вакцина мора да ја примат постарите од 60 години, зашто кај нив не се појавуваат никакви тромбоемболични реакции. Досега во Србија со Астра Зенека се вакцинирани десетици илјади македонски граѓани.

Ако се постари од 60 години, тогаш тие ревакцина ќе добијат на почетокот на јуни, со оглед на тоа што меѓу првата и втората доза треба да поминат 12 недели. Ако се помлади од 60 години, тогаш можност за ревакцинација во Македонија нема да им биде дадена и ќе мора да патуваат повторно во Србија да се ревакцинираат.