Полициска акција во Скопје, приведени се 16 лица
По претходно добиени оперативни сознанија, полицијата во текот на вчерашниот ден во Скопје изврши претрес на 19 локации при што приведени се 16 лица за недозволено производство и пуштање во промет на наркотични дроги, психотропни супстанции и прекурсори, а од нив пет лица се приведени во врска и со сознанија за друго кривично дело.
Пронајдена е и поголема сума на пари кои потекнуваат од продажба на дрога, како и податоци за лица на кои им била продавана дрога.
Во текот на вчерашниот ден (02.04.2023) на подрачје на Скопје, по претходно добиени оперативни сознанија, полициски службеници од СВР Скопје и Одделот за криминалистичка полиција во координација со ОЈО Скопје по добиени судски наредби, извршија претреси на дом и други простории на 19 локации при што приведени се 16 лица поради постоење на основи на сомнение за сторени кривични дела недозволено производство и пуштање во промет на наркотични дроги, психотропни супстанции и прекурсори, а од нив пет лица се приведени во врска и со сознанија за друго кривично дело, се вели во соопштението од МВР.
По документирање на случаите лицата ќе бидат предадени на надлежното обвинителство.