Белгиец e ослободен од обвиненијата за возење под дејство на алкохол, откако било утврдено дека страда од исклучително ретка состојба во која телото самостојно произведува алкохол (auto-brewery syndrom – ABS), рекол неговиот адвокат.

Ансе Гескаер во понеделникот рекла дека во „уште една несреќна случајност“ нејзиниот клиент бил запрен поради „алкохол“, но тројца лекари кои независно го прегледале потврдиле дека има АБС.

Белгиските медиуми јавуваат дека судијата во пресудата посочил дека обвинетиот, кој не бил именуван во согласност со локалните судски обичаи, не покажал симптоми на интоксикација.

Лиза Флорин, клинички биолог во белгиската болница „АЗ Синт-Лукас“, рекла дека луѓето со АБС произведуваат ист вид алкохол кој се наоѓа во алкохолните пијалаци, но генерално помалку ги чувствуваат неговите ефекти.

Луѓето не се раѓаат со АБС, но можат да го развијат кога имаат некое друго нарушување поврзано со цревата. Пациентите може да имаат симптоми конзистентни со интоксикација на алкохолот, како што се нејасен говор, сопнување, губење на моторните функции, вртоглавица и подригнување.