Полицаец се ранил самиот себе вчера попладне во касарната „Ѓорче Петров“ – тој случајно испукал еден куршум од службеното оружје и се ранил во раката, соопшти МВР.

„Во СВР Скопје вчера во 13.48 часот било пријавено дека по завршување на боево гаѓање на стрелиште во касарна Ѓорче Петров, полициски службеник случајно испукал еден куршум од службениот пиштол и се повредил на раката. Тој бил пренесен во Градската општа болница „8 Септември“ за укажување помош. За настанот бил известен јавен обвинител и се работи на негово расчистување“, велат од полицијата.