Сакате да се ослободите од вишокот килограми, но не сакате да се откажете од топлите печива полнети со сирење? Оваа необична пита е одлично решение.

Нема повкусен појадок или вечера од богата домашна пита полна од сирење и јогурт, но оние што внимаваат на линијата главно си го скратуваат себеси тоа задоволство. За среќа, не мораат!

Ова вкусно печиво се подготвува со помош на тајната состојка – овесни снегулки што на питата ќе ѝ ја дадат неопходната текстура, а на вашиот организам придобивки!

Покрај тоа што ќе ви обезбеди многу енергија, со овесните снегулки ќе внесете помалку калории во вашето тело, а изобилство на протеини, омега-3 и омега-6 масни киселини, витамини, особено од Б-комплексот, минерали, вклучително и манган, фосфор и магнезиум, бакар, цинк, железо, фолна киселина…

Состојки:

– 100 грама овесни снегулки
– 4 цели јајца
– 4 лажици маслиново масло
– 10 лажици јогурт
– 300 грама ситно сирење
– 1 кесичка прашок за печиво
– сол по потреба (во зависност од тоа колку е солено сирењето)

Подготовка:

Измелете ги овесните снегулки. Добро изматете ги јајцата, па додајте јогурт и масло, сирење и сол по потреба. Потоа измешајте ги мелените овесни снегулки со прашокот за печиво, па додадете ги во оваа смеса.

Добро измешајте и ставете ги во сад за печење претходно обложен со хартија за печење. По желба посипете ја питата со немелени овесни снегулки или со семки.

Печете во рерна загреана на 200 степени околу половина час.